వీళ్ళింతే ...

వీళ్ళింతే ...  
***********
1

తనవాదమేదో తనకే అర్థం కాక  
అటువైపో ఇటువైపో 
దూకటానికి సిద్ధంగా  ఉన్న
గోడమీద పిల్లి లాంటి పెద్దమనిషి  
బాటమీద వెళుతున్న 
నన్ను ఏ వాదమంటూ ప్రశ్నించాడు

2

నా ఇంటికి గోడకు వేలాడుతున్న 
పులి బొమ్మను చూపి 
నా వంశం అంతా హింసావాదమేనన్నాడు 
కళ్ళున్న కబోది మూర్ఖుడు ఒకడు

3

ఓటు మాత్రమే వేస్తూ
ఉన్నన్నాళ్ళు
నన్నెవరూ పట్టించుకోలేదు
నేనెవరో అడగలేదు

ఇపుడు
నేను ప్రశ్నించటం మొదలెడితే
నాదే ప్రాంతమో
నేనే మతమో
నాదే వాదమో
నా చొక్కా రంగేమిటో
నేనే పార్టీ జెండా మోసానో
కూపీలు లాగుతున్నారు