మరకలు

మరకలు
********

ఎర్రబారిన కళ్ళు రసాస్వాదన
గుర్తు అనుకుంటున్నారు
నీ విరహంతో జ్వలిస్తోన్న
హృదయానికి సంకేతాలని తెలీక
*                *                *
నింగిన మెరిసే తారకలు
ఎన్ని భగ్న ప్రేమికుల కథలో
*                *                *
పాట పాడుకుందామని తోట కెళితే
రాలిన పువ్వు గాయాన్ని రేపింది
*                *                *
నీ ప్రేమ నాలో
పాట పుట్టిస్తుందనుకుంటే
మంట రేపింది
*                *                *
నువ్వు చేసిన గాయం
గేయాన్ని పుట్టిస్తుందనుకున్నా
కానీ నిస్తేజితుడిని చేసి 
నిప్పుల గుండంలో పడేసింది
*                *                *
ప్రేమ విఫలమైతేనే
మత్తులోన జోగుతారు అనుకుంటారు
ప్రేమ ఎక్కువైనా
మనసు మత్తువైపు మళ్ళుతుందని తెలీక
*                *                *