హృదయం క(వ్య)థ ...
వంశీ కలుగోట్ల// హృదయం క(వ్య)థ ...//
************************************************
ఈ హృదయాన్ని గురించి ఆలోచించినపుడు
... నాకే చిత్రంగా అనిపిస్తుంది
ఎన్ని దెబ్బలు తగిలినా
సాటి హృదయాలెన్ని గాయాలు చేసినా
తన భావజాలాన్ని
తన ప్రేమభావాన్ని
తన స్నేహతాపాన్ని
ఈ హృదయం ...
అణచుకోలేదెందుకని!
అణగారిపోదెందుకని!
అటు స్నేహించడమూ
ఇటు ప్రేమించడమూ
గాయాలు తగిలితే
గేయాలతో స్వాంతన పొందడమూ
బహుశా ... అలవాటైపోయిందేమో
ఈ హృదయంలో ఇంకా
ఎంత ప్రేముందో ... ఎంత స్నేహముందో
తెలియడం లేదు
అప్పుడప్పుడూ అనిపిస్తుంటుంది
నా హృదయంలో కనుక
ఇంత స్నేహమూ
ఇంత ప్రేమా లేకపోయుంటే
తగిలిన గాయాల ధాటికి
నేనెప్పుడో గేయమై గాలిలో
కలిసిపోయే వాడినేమో అని
Comments
Post a Comment