అక్షరాలు ...

వంశీ కలుగోట్ల// అక్షరాలు ... //
*******************************

1

కనిపించీ కనిపించక

వినిపించీ వినిపించక

నాలో నేను ... నాతొ నేను 

వ్యక్తమో అవ్యక్తమో తెలియని
భావాలన్నిటినీ మూటగట్టుకుని

అక్షరాలుగా ఒలకబోసుకుంటూ

రాలిపడిన సిరా చుక్కల అంచున

జీవితాన్ని వెతుక్కుంటున్న స్వాప్నికుడిని

2

వెన్నెల్లో ఆడుకోవడానికి

అందమైన ఆడపిల్లలు కాదు

సముద్రపు ఒడ్డున

ఇసుకలో గీతలు గీసుకోవడానికి

అమాయకపు చిన్న పిల్లలూ కాదు

నా అక్షరాలు

కొన్ని భావాలను ఎగరేసే ఝెండాలు

3

జాతి మొత్తం నిద్దుర లేచేవేళ

రక్తమోడుతున్న రంగుతో

తూరుపుదిక్కున తెల్లారుతుంది

నా అక్షరాలు వెళ్లి

ఎవడి గుండెల చీకటిని చీల్చాయో అనిపించేలా