సినీ'మాయ' భయాలు ...

వంశీ కలుగోట్ల // సినీ'మాయ' భయాలు ... //
*******************************************

ఇంటిముందు ఉన్న పిచ్చిమొక్కని

పీకేద్దామంటే 'మొక్కే కదా అని పీకేస్తే ...'

అంటూ ఇంద్రసేనారెడ్డి వస్తాడేమో అనిపిస్తుంది
*          *          *

ఆకాశంలో మెరుపులు మెరిసినప్పుడల్లా

యే ఆదికేశవరెడ్డో ఎక్కడన్నా జైలు ముందర

తొడ కొట్టాడేమో అని దడ పుడతాది
*          *          *

మా ఏరియాలో ఎండలు మండిపోయినప్పుడల్లా

ఈ ఇంద్రసేనారెడ్డి, సమరసింహారెడ్డి మళ్ళీ

మా సీమకు తిరిగి ఎప్పుడొస్తారో అనిపిస్తుంది
*          *          *

నేను కొన్న పుస్తకానికి రెండోవైపున  
ఏముందో అని చూడాలంటే భయమేస్తుంది

చూస్తే ఎక్కడ మాడిపోతానో అని
*          *          *

ఈ మధ్యన అసలు ధియేటర్ కి వెళ్ళాలనే

ఆలోచన రాగానే దడ పుడుతోంది

ఎక్కడ సృజనాత్మక చిత్రాలు 'ఎటాక్' చేస్తాయో అని