అక్షరాయుధం

వంశీ కలుగోట్ల// అక్షరాయుధం //
********************************

కలం పట్టుకుని ముందుకు పోతున్నావు

ఏమి సాధించగలవు అని అడిగాడొకడు 

ఉదయించే సూర్యుడు ఏంచేస్తాడు

తాను కాలిపోతూ
వెలుగును పంచి వాడుకోమనడం తప్ప

కలాన్ని నమ్ముకున్న నేనూ
నాలాంటి వాళ్ళు అందరూ అంతే

అక్షరాలను వదులుతున్నాను(రు)

నిద్రిస్తున్న మస్తిష్కాల

మత్తు వదలగొడతాయన్న నమ్మకంతో

ఆయుధం పట్టుకున్నవాడేమయ్యాడు  
అక్షరాన్ని నమ్ముకున్న వాడేమయ్యాడు  
ఆలోచించి చూడు ... అవగతమవుతుంది

మార్పు తెచ్చేది ఆయుధం కాదు అక్షరం