రెండో ముఖం ...

వంశీ కలుగోట్ల// రెండో ముఖం ... //
********************************
రా ... వెతుక్కుందాం
నీలో మహానదిని
నాలో పచ్చదనాన్ని

1
ఎండిపోయిన గుండెలతో
నీరు ఇంకిపోయిన కళ్ళతో
బీటలు వారిన పొలాలతో
రాజకీయపు చదరంగంలో
తమ బతుకుల గతేమిటో
తెలిసీ తెలియని అయోమయంలో
అక్కడ కొన్ని జీవితాలు

2
గిరులన్నీ తవ్వకాలకు ఆక్రమించబడితే
ఉండటానికి గుడిసెలు లేక
ఏమి చెయ్యాలో తెలియక
గిరుల ఎత్తుని మించిన స్వార్థపు చిత్తులకు
బలైపోయిన బతుకులతో
అక్కడ కొన్ని జీవితాలు

3
ఇజపు ముసుగు మాటున
రాతల చమక్కుల వెనుక
ఏముందో ఎవరికి ఎరుక
వెతుక్కుంటూ పొతే
ఏదో ఒకనాడు దొరక్కపోవు
ఆ నదులు, పచ్చదనాలు
నా రాతల్లో నేను, నీ తీతల్లో నీవు
మనల్ని మించినవారెవరు

*                 *                * 
అక్కడి జీవితాలన్నీ కాలుతుంటే
ఆ మంటల వెలుగులో వెతుక్కుందాం రా
నీలో మహానదిని
నాలో పచ్చదనాన్ని

Comments

Popular posts from this blog

నివాళి

నాపచేను నవ్వింది ...

నువ్వెక్కడున్నావు ...