దృష్టి ...

వంశీ కలుగోట్ల// దృష్టి ... //
**************************

1

పోయిన ప్రాణమెవరిదో

ఎవరికీ పట్టట్లేదు, ఎవరూ పట్టించుకోవట్లేదు 

ప్రాణం తీసిన తూటా పేల్చిన

తుపాకి వెనుక నిలబడి
మీట నొక్కినవాడి మతమేది అని తప్ప

2

నేరం చేసిన వాడి వయసూ

మనసు ఎదుగుదలా కాదు

జరిగిన నేరం వల్ల బాధ అనుభవించినవారి

వయసూ, మనసూ ఆధారంగా

శిక్ష వేసే రోజోస్తే బావుండు

3

నీవు ఊరు దాటి వస్తే

అది ఎదగటానికి ఒక ప్రయత్నం

ఇంకోడు దేశం దాటి వెళితే

మాతృభూమికి వెన్నుపోటు పొడవటం 

బ్రతకడానికి నువ్వు ఊరోదిలితే

బ్రతికించుకోవటానికి వాడు దేశం వదిలాడు

నువ్వోక్కడివైతే వాడో కుటుంబం